Hljóma hefur verið starfrækt frá árinu 2014. Þar hefur Inga Björk Ingadóttir, stofnandi og eigandi, sinnt músíkmeðferð og sértækri tónlistarkennslu fyrir börn og ungmenni með ýmis konar áskoranir.
​​
Einnig hefur Hljóma sinnt tónlistariðkun og nýsköpun fyrir yngsta tónlistarfólkið. 

​

Inga Björk Ingadóttir lauk burtfararprófi í píanóleik frá Tónlistarskóla Kópavogs árið 1999.
Hún nam músíkmeðferð við Musiktherapeutische Arbeitsstätte í Berlín á árunum 2001 - 2006.
Í kjölfarið starfaði hún við músíkmeðferð og sértæka tónlistarkennslu í Þýskalandi og Austurríki á hinum ýmsu stofnunum, bæði á heilbrigðis - og uppeldissviði.
Þar má m.a. nefna :
- vinnu með börnum með sérþarfir
- á sjúkrahúsi sérhæfðu í krabbameinslækningum við líknandi meðferð
- með fjölfötluðum einstaklingum.

Frá árinu 2011 hefur Inga Björk starfað á Íslandi við músíkmeðferð og tónlistarkennslu.

​Starfssvið hennar hafa meðal annars verið :

- vinna með börnum með ýmis konar áskoranir
- vinna með börnum og fullorðnum með hreyfihamlanir
- vinna með fullorðnum með Alzheimer og heilabilun
- tónlistarkennsla yngsta fólksins
​
​
Inga Björk er félagi í Físmús, félagi músíkmeðferðarfræðinga á Íslandi, og var formaður félagsins 2015 - 2018.
​
Inga Björk hlaut hvatningarverðlaun Foreldraráðs Hafnarfjarðar 2022 fyrir starf sitt í Hljómu.