Hljóma hefur verið starfrækt frá árinu 2014. Þar hefur Inga Björk Ingadóttir, stofnandi og eigandi sinnt músíkmeðferð og tónlistarkennslu
fyrir börn og ungmenni með ýmis konar áskoranir.
​
Einnig sinnir Hljóma tónlistariðkun og nýsköpun fyrir yngsta tónlistarfólkið. 

​

​Hljómu er að finna í fallega svarta timburhúsinu við Austurgötu 38 -  í hjarta Hafnarfjarðar.

Þar er aðstaða til músíkmeðferðar og tónlistarkennslu fyrir einstaklinga og hópa.
Gott aðgengi er fyrir hreyfihamlaða. 

Músíkmeðferðin getur einnig farið fram í heimahúsi eða öðrum dvalarstað skjólstæðings. Allt eftir þörfum hvers og eins. 

Inga Björk Ingadóttir lauk burtfararprófi í píanóleik frá Tónlistarskóla Kópavogs árið 1999.
Hún nam músíkmeðferð við Musiktherapeutische Arbeitsstätte í Berlín á árunum 2001 - 2006.
Í kjölfarið starfaði hún við músíkmeðferð og sértæka tónlistarkennslu í Þýskalandi og Austurríki á hinum ýmsu stofnunum, bæði á heilbrigðis - og uppeldissviði.
Þar má m.a. nefna :
- vinnu með börnum með sérþarfir
- á sjúkrahúsi sérhæfðu í krabbameinslækningum við líknandi meðferð
- með fjölfötluðum einstaklingum.

Frá árinu 2011 hefur Inga Björk starfað á Íslandi við músíkmeðferð og tónlistarkennslu.

​Starfssvið hennar hafa m.a. verið :

- vinna með börnum með ýmis konar áskoranir
- vinna með börnum og fullorðnum með hreyfihamlanir
- vinna með fullorðnum með Alzheimer og heilabilun
- tónlistarkennsla yngsta fólksins
​
Ásamt starfi sínu í Hljómu sinnir Inga Björk sértækri tónlistarkennslu í Tónlistarskóla Hafnarfjarðar og Tónlistarskóla Kópavogs. 

Einnig sinnti Inga Björk tónlistarkennslu í Waldorfskólanum í Lækjarbotnum frá 2011 - 2019. 

Inga Björk er félagi í Físmús, félagi músíkmeðferðarfræðinga á Íslandi, og var formaður félagsins 2015 - 2018.